நீங்க, நல்லவரா ? கெட்டவரா ?

நல்லவனையும் கெட்டவனையும் அளக்க,
யாரேனும் ஓர் உபகரணம்
அறிந்து வைத்திருக்கிறார்களா?
தெரிந்தால் கொஞ்சம் சொல்லுங்களேன்.
அதுவரை - நான், என் அளவுகோலைக் கொண்டு,
அளந்ததைச் சொல்லுகிறேன்.

நக்கலையும் நையாண்டியையும்
ஆண்டுகள் பல அலுக்காமல் கேட்டால்,
நீங்கள் நல்லவர்.

பொறுமை இழந்து பொறுமலைக்
காட்டினால், நீங்கள் கெட்டவர்.

பத்துலட்சத்தை விட்டுக்கொடுத்தால்
நீங்கள் நல்லவர்.

உரிமையான ஒன்றிரண்டு ஆயிரத்தைக்
கண்ணியமாய்க் கேட்டால்நீங்கள் கெட்டவர்.

சிலாகித்துக் கொண்டே இருந்தால்
நீங்கள் நல்லவர்

சிந்திக்கத் தொடங்கினால்
நீங்கள் கெட்டவர்.

ஏமாந்து கொண்டே இருந்தால்
நீங்கள் நல்லவர்

ஏன்? எப்படி என்று கேட்டால்
நீங்கள் கெட்டவர்!

நமக்குள்ளே
நல்லவரும் இல்லை கெட்டவரும் இல்லை.
எதிராளியின் எதிர்பார்ப்பும் ஏமாற்றமும்,
ஆக்குகிறது நம்மை,
நல்லவராகவும் கெட்டவராகவும்.
ஆகவே, அச்சம் கொள்ளாதீர்கள்.

எதிராளி, நல்லவரானால்
நாமும் நல்லவரே.
நம்மை,அணுகுபவர் கெட்டவரானால்
நாமும் கெட்டவரே!

Once i feel that a song hovers my mind of-late, then i will remove the lyrics from the "Lyrics that haunt me" and will file it under the label "Lyrics". Here is the first one.


Movie : Aayirathil Oruvan (2009)
Music: G.V. Prakash
Penned by: Selvaraghavan


மாலை நேரம்
மழை தூறும் காலம்
என் ஜன்னல் ஓரம் நிற்கிறேன்
நீயும் நானும்
ஒரு போர்வைக்குள்ளே
சிறு மேகம் போலே மிதக்கிறேன்
ஓடும் காலங்கள்
உடன் ஓடும் நிமிடங்கள்
வழி மாறும் பயணங்கள்
தொடர்கிறதே
இது தான் வாழ்க்கையா
ஒரு துணை தான் தேவையா
மனம் ஏனோ என்னையே கேட்கிறதே


ஒ ஹோ காதல் இங்கே ஓய்ந்தது
கவிதை ஒன்று முடிந்தது
தேடும் போதே தொலைந்ததே - அன்பே
இது சோகம் ஆனால் ஒரு சுகம்
நெஞ்சின் உள்ளே பரவிடும்
நாம் பழகிய காலம் பரவசம் - அன்பே
இதம் தருமே..


உன் கரம் கொற்கையில்
நினைவு ஓர் ஆயிரம்
பின் இரு கரம் பிரிகையில்
நினைவு நூறாயிரம்
காதலில் விழுந்த இதயம்
மீட்க முடியாதது
கனவில் தொலைந்த நிஜங்கள்
மீண்டும் கிடைக்காதது
ஒரு காலையில் நீ இல்லை
தேடவும் மனம் வரவில்லை
பிரிந்ததும் புரிந்தது
நான் என்ன(என்னை) இழந்தேன் என


ஒ ஹோ காதல் இங்கே ஓய்ந்தது
கவிதை ஒன்று முடிந்தது
தேடும் போதே தொலைந்தது - அன்பே
இதில் சோகம் ஆனால் ஒரு சுகம்
நெஞ்சின் உள்ளே பரவிடும்
நாம் பழகிய காலம் பரவசம் - அன்பே
இதம் தருமே..


ஒரு முறை வாசலில்
நீயாய் வந்தால் என்ன?
நான் கேட்கவே துடித்திடும்
வார்த்தை சொன்னால் என்ன?
இரு மனம் சேர்கையில் பிழைகள்
பொறுத்து கொண்டால் என்ன?
இரு திசை பறவைகள் இணைந்து
விண்ணில் சென்றால் என்ன?
என் தேடல்கள் நீ இல்லை
உன் கனவுகள் நான் இல்லை
இரு விழி பார்வையில்
நாம் உருகி நின்றால் என்ன?

மாலை நேரம்
மழை தூறும் காலம்
என் ஜன்னலோரம்
நிற்கிறேன்
நீயும் நானும்
ஒரு போர்வைக்குள்ளே
சிறு மேகம் போலே மிதக்கிறேன்
ஓடும் காலங்கள்
உடன் ஓடும் நினைவுகள்
வழி மாறும் பயணங்கள்
தொடர்கிறதே..
இது தான் வாழ்க்கையா
ஒரு துணை தான் தேவையா
மனம் ஏனோ என்னையே கேட்கிறதே..


ஒ ஹோ காதல் இங்கே ஓய்ந்தது
கவிதை ஒன்று முடிந்தது
தேடும் போதே தொலைந்தது - அன்பே
இது சோகம் ஆனால் ஒரு சுகம்
நெஞ்சின் உள்ளே பரவிடும்
நாம் பழகிய காலம் பரவசம் - அன்பே
இதம் தருமே