அந்த நாலு வருட வாழ்க்கை

கவலை அற்ற பேச்சு
அளவற்ற சிரிப்பு
காரணம் இல்லா பகை
விபரீதம் தெரியாத காதல்
எல்லை அற்ற நட்பு
இரவை தாண்டி நீண்ட பகல்
பகலை மிஞ்சிய இரவுகள்
இரவின் அர்த்த ஜாம கொண்டாட்டங்கள்
கொண்டாட்டத்தில் கண்டெடுத்த புதிய உறவுகள்
உறவுகளை பின்னிய உரிமைகள்
உரிமைகளை அதிரவைத்த பாசங்கள்
காலம் கடந்தது

கவலை மட்டுமே தெரியும் வார்த்தைகள்
புன்னகைக்க மட்டுமே தெரிந்த உதடுகள்
எங்காவது பகை வந்துவிடுமோ என்ற அச்சம்
காதலை தொலைத்த ஒரு வெறுமை
மாதம் ஒரு முறை நட்பின் ஒலி
இரவு வந்தும் உறங்க நேரம் இல்லை
பகல் பொழுதில் ஓய்வை தேடும் யாக்கை
பாசத்திற்கு நேரம் இல்லை
உறவிற்கோ உரிமை இல்லை

அந்த நாலு வருட வாழ்க்கை திரும்பாதோ?
இப்படிக்கு ஸ்ராம்வேன்.